Amori

ಮುಳಾವಿಂ ಮಾಗ್ಣಿಂ

1. ಖುರ್ಸಾಚೊ ಘುರ್ತ್

ಬಾಪಾಚೆ | ಆನಿ ಪುತಾಚೆ | ಆನಿ ಪವಿತ್ರ್ ಅತ್ಮ್ಯಾಚೆ ನಾಂವಿಂ. | ಆಮೆನ್

2. ಭಾಗೆವಂತ್ ಖುರ್ಸಾಚೆ + ಕುರ್ವೆನ್

ಭಾಗೆವಂತ್ ಖುರ್ಸಾಚೆ + ಕುರ್ವೆನ್ | ನಿವಾರ್ ಆಮ್ಕಾಂ + ಆಮ್ಚ್ಯಾ ದೆವಾ | ಆಮ್ಚ್ಯಾ + ದುಸ್ಮಾನಾಂತ್ಲಿಂ.

ಬಾಪಾಚೆ | ಆನಿ ಪುತಾಚೆ | ಆನಿ ಪವಿತ್ರ್ ಅತ್ಮ್ಯಾಚೆ ನಾಂವಿಂ. | ಆಮೆನ್.

3. ಮಹಿಮಾ ಬಾಪಾಕ್

ಮಹಿಮಾ ಬಾಪಾಕ್ | ಆನಿ ಪುತಾಕ್ | ಆನಿ ಪವಿತ್ರ್ ಅತ್ಮ್ಯಾಕ್; ಜಶಿ ಆದಿಂ | ತಶಿಚ್ ಆತಾಂ | ಆನಿ ಸದಾಂ ಸರ್ವದಾಂ. | ಆಮೆನ್

4. ಸೊಮ್ಯಾಚೆಂ ಮಾಗ್ಣೆಂ

ಆಮ್ಚ್ಯಾ ಬಾಪಾ, ಸರ್ಗಿಂಚ್ಯಾ | ತುಜೆಂ ನಾಂವ್ ಪವಿತ್ರ್ ಜಾಂವ್ | ತುಜೆಂ ರಾಜ್ ಆಮ್ಕಾಂ ಯೇಂವ್ | ತುಜಿ ಖುಶಿ ಸರ್ಗಾರ್ ಜಾತಾ, | ತಶಿ ಸಂಸಾರಾಂತ್ ಜಾಂವ್.

ಆಮ್ಚೊ ದಿಸ್ಪಟೊ ಗ್ರಾಸ್ ಆಜ್ ಆಮ್ಕಾಂ ದಿ, | ಆನಿ ಆಮಿ ಆಮ್ಚೆರ್ ಚುಕ್ಲಲ್ಯಾಂಕ್ ಭೊಗ್ಶಿತಾಂವ್, | ತಶೆಂ ಆಮ್ಚಿಂ ಪಾತ್ಕಾಂ ಭೊಗಸ್. | ಆನಿ ಆಮ್ಕಾಂ ತಾಳ್ಣೆಂತ್ ಪಡುಂಕ್ ದಿಂವ್ ನಾಕಾ, | ಪೂಣ್ ವಾಯ್ಟಾಂತ್ಲಿಂ ಆಮ್ಕಾಂ ನಿವಾರ್.| ಆಮೆನ್.

5. ಭೊಡ್ವ್ಯಾಚೊ ನಮಾನ್

ನಮಾನ್ ಮರಿಯೆ, ಕುರ್ಪೆನ್ ಭರ್‍ಲ್ಲೆ, | ಸೊಮಿ ತುಜೆ ಸಾಂಗಾತಾ, | ಸ್ತ್ರಿಯಾಂ ಭಿತರ್ ತುಂ ಸದೆಂವ್, | ಆನಿ ಸದೆಂವಿ ಫಳ್ ತುಜೆ ಕುಶಿಚೆಂ, ಜೆಜು.

ಭಾಗೆವಂತಿ ಮರಿಯೆ, ದೆವಾಚೆ ಮಾಯೆ, | ಆಮಾ ಪಾಪಿಯಾಂ ಖಾತಿರ್ ವಿನತಿ ಕರ್, | ಆತಾಂ ಆನಿ ಆಮ್ಚ್ಯಾ ಮರ್ಣಾಚೆ ಕಾಳಿಂ. | ಆಮೆನ್.

6.ಆಪೊಸ್ತಲಾಂಚಿಂ ಸತ್ಮಾನ್ತಾಂ

ಸತ್ಮಾನ್ತಾಂ ದೆವಾಕ್, | ಸರ್ವ್ ಪದ್ವೆದಾರಾ ಬಾಪಾಕ್, | ಸರ್ಗಾ ಆನಿ ಪ್ರಿತುಮಿಚ್ಯಾ ರಚ್ಣಾರಾಕ್; | ಆನಿ ಜೆಜು ಕ್ರಿಸ್ತಾಕ್, | ತಾಚ್ಯಾ ಎಕ್ಲ್ಯಾಚ್ ಪುತಾಕ್, ಆಮ್ಚ್ಯಾ ಸೊಮ್ಯಾಕ್; | ತೊ ಪವಿತ್ರ್ ಅತ್ಮ್ಯಾ ವರ್ವಿಂ ಗರ್ಭಿಂ ಸಂಭವ್ಲೊ, | ಆಂಕ್ವಾರ್ ಮರಿಯೆ ಥಾವ್ನ್ ಜಲ್ಮಲೊ. | ಪೊನ್ಸ್ ಪಿಲಾತಾ ಖಾಲ್ ತಾಣೆಂ ಕಷ್ಟ್ ಸೊಸ್ಲೆ, | ತಾಕಾ ಖುರ್ಸಾರ್ ಜೊಡ್ಲೊ, | ತೊ ಮೆಲೊ, ಆನಿ ತಾಕಾ ನಿಕೆಪಿಲೊ. | ತೊ ಮೆಲ್ಲ್ಯಾಂ ಮಧೆಂ ದೆಂವ್ಲೊ, | ತಿಸ್ರ್ಯಾ ದಿಸಾ ಮೆಲ್ಲ್ಯಾಂತ್ಲೊ ಜಿವಂತ್ ಜಾಲೊ. | ಸರ್ಗಾರ್ ಚಡ್ಲೊ, ಸರ್ವ್ ಪದ್ವೆದಾರ್ ದೆವಾ ಬಾಪಾಚ್ಯಾ ಉಜ್ವ್ಯಾಕ್ ಬಸ್ಲಾ. | ಥಂಯ್ ಥಾವ್ನ್ ಜಿವ್ಯಾಂ ಆನಿ ಮೆಲ್ಲ್ಯಾಂಚಿ ಮುನ್ಸುಬಿ ಕರುಂಕ್ ಯೆತಲೊ.

ಸತ್ಮಾನ್ತಾಂ ಪವಿತ್ರ್ ಅತ್ಮ್ಯಾಕ್, | ಕಥೊಲಿಕ್ ಪವಿತ್ರ್ ಸಭೆಕ್, | ಭಕ್ತಾಂಚೊ ಎಕ್ತಾರ್, | ಪಾತ್ಕಾಂಚೆಂ ಭೊಗ್ಸಾಣೆಂ, ಕುಡಿಚೆಂ ಜಿವಂತ್ಪಣ್, | ಸಾಸ್ಣಾಚೆಂ ಜಿವಿತ್. | ಆಮೆನ್

7. ಭಾವಾರ್ಥಾಚೆಂ ವಿಧಾನ್

ಸರ್ವೆಸ್ಪರಾ ದೆವಾ,| ತುಂ ಎಕ್‍ಚ್ ದೇವ್| ಆನಿ ಎಕಾ ದೆವಾ ಥಂಯ್ ತೇಗ್ ಜಣ್,| ಬಾಪ್, ಪೂತ್ ಆನಿ ಪವಿತ್ರ್‍ಅತ್ಮೊ ಮ್ಹಣ್| ಹಾಂವ್ ಥಿರ್ ಸತ್ಮಾನ್ತಾಂ.| ತುಜೊ ದೈವಿಕ್ ಪೂತ್ ಮನಿಸ್ ಜಾಲೊ| ಆನಿ ಆಮ್ಚ್ಯಾ ಪಾತ್ಕಾಂ ಖಾತಿರ್ ಮೆಲೊ| ಆನಿ ಜಿವ್ಯಾಂಚಿ ಆನಿ ಮೆಲ್ಲ್ಯಾಂಚಿ ಮನ್ಸುಬಿ ಕರುಂಕ್ ಯೆತಲೊ ಮ್ಹಣ್| ಹಾಂವ್ ಸತ್ಮಾನ್ತಾಂ.| ಹಿಂ ಸತಾಂ| ಆನಿ ಕಥೊಲಿಕ್ ಪವಿತ್ರ್‍ಸಭಾ ಶಿಕಯ್ತಾ ತಿಂ ಸರ್ವ್ ಸತಾಂ| ಹಾಂವ್ ಸತ್ಮಾನ್ತಾಂ ಆನಿ ಉಚಾರ್ತಾಂ,| ಕಿತ್ಯಾಕ್ ತುಂ ಸಾಸ್ಣಿಕ್ ಸತ್ ಆನಿ ಜಾಣ್ವಾಯ್| ಆನಿ ತುವೆಂ ತಿಂ ಉಗ್ಡಾಪಿಂ ಕೆಲ್ಯಾಂತ್;| ತುಂ ಫಟಯ್ನಾಂಯ್ ವಾ ಫಟ್ವೊನ್ ಪಡನಾಂಯ್.| ಹ್ಯಾ ಭಾವಾರ್ಥಾಂತ್ ಜಿಯೆಂವ್ಕ್ ಆನಿ ಮರುಂಕ್| ಹಾಂವ್ ಖುಶಿ ವ್ಹರ್ತಾಂ.| ಆಮೆನ್.|

8. ಭರ್ವಶ್ಯಾಚೆಂ ವಿಧಾನ್

ಸರ್ವೆಸ್ಪರಾ ದೆವಾ,| ತುಜೆ ಕುರ್ಪೆನ್| ಸರ್ವ್ ಮ್ಹಜ್ಯಾ ಪಾತ್ಕಾಂಚೆಂ ಭೊಗ್ಸಣೆಂ| ಆನಿ ಹೆ ಜಿಣ ಯೆ ಉಪ್ರಾಂತ್| ಸಾಸ್ಣಿಕ್ ಸುಖ್ ಜೊಡ್ತಲೊಂ/ಲಿಂ ಮ್ಹಣ್| ಹಾಂವ್ ಭರ್ವಸ್ತಾಂ,| ಕಿತ್ಯಾಕ್ ತುಂ ಸರ್ವ್ ಪದ್ವೆದಾರ್, ವಿಶ್ವಾಶಿ, ದಯಾಳ್ ಆನಿ ಕಾಕುಳ್ದಾರ್| ಆನಿ ತುವೆಂ ತೆಂ ಭಾಸಾಯ್ಲಾಂ.| ಹ್ಯಾ ಭರ್ವಶ್ಯಾಂತ್ ಜಿಯೆಂವ್ಕ್ ಆನಿ ಮರುಂಕ್| ಹಾಂವ್ ಖುಶಿ ವ್ಹರ್ತಾಂ.| ಆಮೆನ್.|

9. ಮೊಗಾಚೆಂ ವಿಧಾನ್

ಸರ್ವೆಸ್ಪರಾ ದೆವಾ,| ಸರ್ವ್ ವಸ್ತುಂ ಪ್ರಾಸ್ ಚಡ್| ಹಾಂವ್ ತುಜೊ ಮೋಗ್ ಕರ್ತಾಂ| ಆನಿ ತುಜೆ ಪಾಸತ್| ಮ್ಹಜ್ಯಾ ಪೆಲ್ಯಾಚೊ ಹಾಂವ್ ಮೋಗ್ ಕರ್ತಾಂ,| ಕಿತ್ಯಾಕ್ ತುಂ ವರ್ತೊ, ಆಪರಿಮಿತ್ ಆನಿ ಸರ್ವ್ ಬರೊ| ಆನಿ ಸರ್ವ್ ಮೋಗ್ ತುಕಾ ಫಾವೊ.| ಹ್ಯಾ ಮೊಗಾಂತ್ ಜಿಯೆಂವ್ಕ್ ಆನಿ ಮರುಂಕ್| ಹಾಂವ್ ಖುಶಿ ವ್ಹರ್ತಾಂ.| ಆಮೆನ್.|

10. ದುಖಿಚೆಂ ವಿಧಾನ್

ಮ್ಹಜ್ಯಾ ದೆವಾ,| ಸಗ್ಳ್ಯಾ ಮ್ಹಜ್ಯಾ ಕಾಳ್ಜಾನ್| ಸರ್ವ್ ಮ್ಹಜ್ಯಾ ಪಾತ್ಕಾಂಚಿ ಹಾಂವ್ ದುಖ್ ಧರ್ತಾಂ| ಆನಿ ತಿಂ ಕಾಂಟಾಳ್ತಾಂ,| ಕಿತ್ಯಾಕ್ ತಾಂಚೆ ವರ್ವಿಂ| ತುಜಿ ನಿತಿಚಿ ಶಿಕ್ಷಾ ಮ್ಹಾಕಾ ಫಾವೊ ಜಾಲಿ,| ಪೂಣ್ ಚಡ್ ಕರುನ್| ತುಕಾ ಭೊವ್ ಬರ್ಯಾ| ಆನಿ ಸರ್ವ್ ವಸ್ತುಂ ಪ್ರಾಸ್ ಚಡ್ ಮೋಗ್ ಫಾವೊ ಜಾಲ್ಲ್ಯಾ ದೆವಾಕ್| ಹಾಂವೆಂ ಅಕ್ಮಾನ್ ಕೆಲೊ.| ದೆಕುನ್ ತುಜೆ ಕುರ್ಪೆಚ್ಯಾ ಆಧಾರಾನ್| ಆನಿ ಮುಕಾರ್ ಪಾತಕ್ ಕರಿನಾಂ ಮ್ಹಣ್| ಆನಿ ಪಾತ್ಕಾಚೆ ಸಮಯೆ ಚುಕಯ್ತಲೊಂ/ಲಿಂ ಮ್ಹಣ್| ಥಿರ್ ನಿಚೆವ್ ಕರ್ತಾಂ.| ಆಮೆನ್.|

11. ಆವ್ಮರಿ

ಎಕ್ಲೊ : ಸೊಮ್ಯಾಚ್ಯಾ ಭೊಡ್ವ್ಯಾನ್ ಮರಿಯೆಕ್ ಬರಿ ಖಬರ್ ಹಾಡ್ಲಿ.

ಸರ್ವಾಂ : ಆನಿ ಪವಿತ್ರ್ ಅತ್ಮ್ಯಾ ವರ್ವಿಂ ತಿ ಗರ್ಭೆಸ್ತ್ ಜಾಲಿ.

ನಮಾನ್ ಮರಿಯೆ, ಕುರ್ಪೆನ್ ಭರ್‍ಲ್ಲೆ ...

ಎಕ್ಲೊ : ಆಬ್ಳೆ ! ಸೊಮಿಯಾಚಿ ಚಾಕರ್ನ್,

ಸರ್ವಾಂ : ತುಜ್ಯಾ ಸಬ್ದಾ ಪರ್ಮಾಣೆಂ | ಮ್ಹಜೆ ಥಂಯ್ ಜಾಂವ್.

ನಮಾನ್ ಮರಿಯೆ, ಕುರ್ಪೆನ್ ಭರ್‍ಲ್ಲೆ ...

ಎಕ್ಲೊ : ಆನಿ ದೆವಾಚೊ ಪೂತ್ ಮನಿಸ್ ಜಾಲೊ,

ಸರ್ವಾಂ : ಆನಿ ಆಮ್ಚೆ ಮಧೆಂ ಜಿಯೆಲೊ.

ನಮಾನ್ ಮರಿಯೆ, ಕುರ್ಪೆನ್ ಭರ್‍ಲ್ಲೆ ...

ಎಕ್ಲೊ : ಭಾಗೆವಂತಿ ದೆವಾಚೆ ಮಾಯೆ, | ಆಮಾ ಪಾಸತ್ ವಿನತಿ ಕರ್.

ಸರ್ವಾಂ : ಕ್ರಿಸ್ತಾಚ್ಯಾ ಭಾಸಾವ್ಣ್ಯಾಂಕ್ ಆಮಿ ಫಾವೊ ಜಾಂವ್ಚೆ ಖಾತಿರ್.

ಪ್ರಾರ್ಥುಂಯಾ

ಏ ಸೊಮ್ಯಾ, | ಭೊಡ್ವ್ಯಾನ್ ಬರಿ ಖಬರ್ ದಿಲ್ಲೆ ವರ್ವಿಂ ತುಜ್ಯಾ ಪುತಾನ್, ಕ್ರಿಸ್ತಾನ್, | ಮನ್ಶಾಪಣ್ ಘೆತ್‍ಲ್ಲೆಂ ಆಮಿ ಜಾಣಾ ಜಾಲ್ಯಾಂವ್. ತಾಚ್ಯಾ ಕಷ್ಟಾಂ ಆನಿ ಖುರ್ಸಾ ವರ್ವಿಂ, | ಜಿವಂತ್ಪಣಾಚ್ಯಾ ಆನಂದಾಕ್ ಆಮಿ ಪಾವಶೆಂ, ತುಜಿ ಕುರ್ಪಾ ಆಮ್ಚ್ಯಾ ಅಂತಸ್ಕರ್ನಾಂನಿ ವೋತ್ ಮ್ಹಣ್, ಆಮಿ ಮಾಗ್ತಾಂವ್. | ತ್ಯಾಚ್ ಕ್ರಿಸ್ತಾ ಆಮ್ಚ್ಯಾ ಸೊಮ್ಯಾ ಮಾರಿಫಾತ್. | ಆಮೆನ್.

ಮಹಿಮಾ ಬಾಪಾಕ್ ... (ತೀನ್ ಪಾವ್ಟಿಂ)

12. ಸರ್ಗಾಚೆ ರಾಣ ಯೆ (ಪಾಸ್ಕಾಂಚ್ಯಾ ವೆಳಾರ್)

i) ಸರ್ಗಾಚೆ ರಾಣ ಯೆ, ಉಲ್ಲಾಸ್ ಪಾವ್,

ಆಲ್ಲೆಲೂಯಾ

ii) ಕಿತ್ಯಾಕ್ ಜಾಕಾ ತುಂ ವ್ಹಾವೊಂವ್ಕ್ ಫಾವೊ ಜಾಲ್ಲಿಯ್,

ಆಲ್ಲೆಲೂಯಾ

iii) ತೊ ಆಪ್ಣೆ ಸಾಂಗ್‍ಲ್ಲ್ಯಾ ಪರಿ ಜಿವಂತ್ ಜಾಲಾ,

ಆಲ್ಲೆಲೂಯಾ

iv) ಆಮಾ ಪಾಸತ್ ದೆವಾ ಲಾಗಿಂ ಮಾಗ್,

ಆಲ್ಲೆಲೂಯಾ

v) ಸಂತೊಸ್ ಆನಿ ಉಲ್ಲಾಸ್ ಪಾವ್ | ಆಂಕ್ವಾರ್ ಮರಿಯೆ,

ಆಲ್ಲೆಲೂಯಾ

vi) ಕಿತ್ಯಾಕ್ ಸೊಮಿ ಖರೊಚ್ ಜಿವಂತ್ ಜಾಲಾ.

ಆಲ್ಲೆಲೂಯಾ

ಪ್ರಾರ್ಥುಂಯಾ

ಏ ದೆವಾ, | ತುಜ್ಯಾ ಪುತಾ ಆಮ್ಚ್ಯಾ ಸೊಮಿಯಾ ಜೆಜು ಕ್ರಿಸ್ತಾಚ್ಯಾ ಜಿವಂತ್ಪಣಾ ವರ್ವಿಂ, | ಸಂಸಾರ್ ಸಂತೊಸಾಂವ್ಕ್ ತುವೆಂ ದಯಾ ಕೆಲಿಯ್; | ತಾಚೆ ಮಾಯೆ, ಆಂಕ್ವಾರ್ ಮರಿಯೆ ಮಾರಿಫಾತ್, | ಸಾಸ್ಣಾಚೆ ಜಿಣ ಯೆಚೊ ಸಂತೊಸ್ ಆಮ್ಕಾಂ ಲಾಭಸೊ ಕರ್ ಮ್ಹಣ್ ಆಮಿ ಮಾಗ್ತಾಂವ್. | ತ್ಯಾಚ್ ಕ್ರಿಸ್ತಾ, ಆಮ್ಚ್ಯಾ ಸೊಮ್ಯಾ ಮಾರಿಫಾತ್. | ಆಮೆನ್.

13. ರಾಕಣ್ ಭೊಡ್ವ್ಯಾ ಕಡೆ ಮಾಗ್ಣೆಂ

ದೆವಾಗೆಲ್ಯಾ ಭೊಡ್ವ್ಯಾ, ಮ್ಹಜ್ಯಾ ರಾಕ್ಣ್ಯಾ, | ಸರ್ಗಿಂಚೆ ದಯೆನ್ ಮ್ಹಾಕಾ ದಿಲಾ ತುಜೆ ತಾಬೆನ್ | ಮ್ಹಜಿ ಮತ್ ಉಜ್ವಾಡಾಯ್, | ಮ್ಹಾಕಾ ರಾಕ್, ಸಾಂಬಾಳ್ ಆನಿ ಚಲಯ್ | ಆಮೆನ್.

14. ಸರ್‍ಲ್ಲ್ಯಾ ಭಾವಾಥ್ರ್ಯಾಂ ಪಾಸತ್ ಮಾಗ್ಣೆಂ

ಸಾಸ್ಣಾಚೊ ವಿಶೆವ್ ದಿ ತಾಂಕಾಂ ಏ ಸೊಮಿಯಾ, | ಆನಿ ನಿರಂತರ್ ಪ್ರಕಾಸ್ ತಾಂಚೆರ್ ಫಾಂಕುಂದಿ, | ಸಮಾಧಾನಾಂತ್ ತೆ ವಿಶೆವ್ ಘೆಂವ್ದಿತ್. | ಆಮೆನ್.

15. ಮ್ಹಜ್ಯಾ ದೆವಾ

ಮ್ಹಜ್ಯಾ ದೆವಾ, ಮ್ಹಜ್ಯಾ ಸಾಯ್ಬಾ, | ಹಾಂವ್ ತುಜ್ಯಾ ಪಾಂಯಾಂಕ್ ಪಡ್ತಾಂ, | ಹಾಂವ್ ತುಕಾ ಅರ್ಗಾಂ ದಿತಾಂ, | ಅಂತಸ್ಕರ್ನಿ ನಮಸ್ಕಾರ್ ಕರ್ತಾಂ, | ವ್ಹಡ್ ತುಜೊ ಉಪ್ಕಾರ್ ಮಾನ್ತಾಂ, | ಕಿತ್ಯಾಕ್ ತುವೆಂ ಮ್ಹಾಕಾ ರಚ್ಲೊಯ್ ಮ್ಹಣ್, | ನೀಜ್ ಕ್ರಿಸ್ತಾಂವ್ ಕೆಲೊಯ್ ಮ್ಹಣ್; ಆಜ್ ಪರ್ಯಾನ್ ಸಾಂಬಾಳ್ಳೊಯ್ ಮ್ಹಣ್, | ಜಶಿ ಬರಿ ರಾತ್ ದಿಲಿಯ್, | ತಸೊ ಬರೊ ದೀಸ್ ದಿ ಸಾಯ್ಬಾ | (ಜಸೊ ಬರೊ ದೀಸ್ ದಿಲೊಯ್, ತಶಿ ಬರಿ ರಾತ್ ದಿ ಸಾಯ್ಬಾ) ಮ್ಹಜೊ ಅತ್ಮೊ, ಮ್ಹಜಿ ಕೂಡ್, ತುಜ್ಯಾ ಹಾತಾಂತ್ ದಿತಾಂ | ಮ್ಹಜಿಂ ಚಿಂತ್ನಾಂ, ಮ್ಹಜೆ ಸಬ್ದ್, | ಮ್ಹಜೆ ಆಯ್ಚ್ಯಾ ದಿಸಾಚೆ) ಆಯ್ಚೆ ರಾತಿಚೆ) ಕಷ್ಟ್ ಆನಿ ಕರ್ನ್ಯೊ, | ತುಕಾ ಸಮರ್ಪಿತಾಂ, ತುಜ್ಯಾ ವ್ಹಡಾ ಮಾನಾಕ್ ಮ್ಹಜ್ಯಾ ಪಾತ್ಕಾಂಚ್ಯಾ ಫಾರಿಕ್ಪಣಾಕ್. ಮ್ಹಜ್ಯಾ ಜೆಜು, | ತುಜ್ಯಾ ಖುರ್ಸಾಚ್ಯಾ, ಕಷ್ಟಾಂಚ್ಯಾ ಆನಿ ಮೊರ್ನಾಚ್ಯಾ ಪುನ್ಯಾ ಪಾಸತ್ | ಭೊಗ್ಶಿ ಮ್ಹಜಿಂ ಸಮೆಸ್ತ್ ಪಾತ್ಕಾಂ, | ಮ್ಹಜಿ ಪಾತ್ಕ್ಯಾಚಿ ಕಾಕುಳ್ತ್ ಕರ್.

ದೆವಾ, ಪವಿತ್ರ್ ಅತ್ಮ್ಯಾ, | ದಿ ಸಾಯ್ಬಾ, ತುಜಿ ಕುರ್ಪಾ ಆಯ್ಚ್ಯಾ ದಿಸಾ (ಆಯ್ಚೆ ರಾತಿಂ) ಪಾತ್ಕಾಂತ್ ಹಾಂವೆಂ ಪಡನಾ ಜಾಂವ್ಚ್ಯಾಕ್, | ತುಜೆ ಉಪದೆಸ್ ಸಾಂಬಾಳುಂಕ್, ಮ್ಹಜೆ ಕಾಯ್ದೆ ಪಾಳುಂಕ್, | ಮ್ಹಜಿ ಪಾತ್ಕ್ಯಾಚಿ ಕಾಕುಳ್ತ್ ಕರ್, | ಮ್ಹಾಕಾ ಪಾತ್ಕ್ಯಾಕ್ ಭೊಗ್ಶಿ.

16. ಹಾಂವ್ ಪಾತ್ಕಿ

ಹಾಂವ್ ಪಾತ್ಕಿ, ಸರ್ವ್ ಪದ್ವೆದಾರ್ ದೆವಾಕ್, ಆನಿ ತುಮ್ಕಾಂ ಭಾವಾಂ ಭಯ್ಣಿಂನೊ, ಮ್ಹಜೊ ಗುನ್ಯಾಂವ್ ಉಚಾರುನ್ ಸಾಂಗ್ತಾಂ, ಮನಾನ್ ಚಿಂತುನ್ ಆನಿ ತೊಂಡಾನ್ ಉಚಾರುನ್, ವಾಯ್ಟ್ ಆಧಾರುನ್ ಆನಿ ಬರೆಂ ಸೊಡುನ್, ಹಾಂವೆಂ ಜಾಯ್ತಿಂ ಪಾತ್ಕಾಂ ಕೆಲ್ಯಾಂತ್. (ಹಧ್ರ್ಯಾಕ್ ಮಾರುನ್) ಹೊ ಮ್ಹಜೊ ಅಪ್ರಾಧ್, ಹೊ ಮ್ಹಜೊ ಅಪ್ರಾಧ್, ಹೊ ಮ್ಹಜೊ ಭೋವ್ ವ್ಹಡ್ ಅಪ್ರಾಧ್.

ಹ್ಯಾ ಪಾಸತ್ ಭಾಗೆವಂತ್ ಸದಾಂಚ್ ಆಂಕ್ವಾರ್ ಮರಿಯೆಕ್, ಸಗ್ಳ್ಯಾಂ ದೇವ್‍ದುತಾಂಕ್ ಆನಿ ಭಕ್ತಾಂಕ್ ಆನಿ ತುಮ್ಕಾಂ ಭಾವಾಂಭಯ್ಣಿಂನೊ ಮ್ಹಜೆ ಖಾತಿರ್ ಆಮ್ಚ್ಯಾ ಸರ್ವೆಸ್ಪರಾ ದೆವಾ ಲಾಗಿಂ ವಿನತಿ ಕರಾತ್ ಮ್ಹಣ್ ಪ್ರಾರ್ಥುನ್ ಮಾಗ್ತಾಂ.

17. ನಮಾನ್ ರಾಣ ಯೆ

ನಮಾನ್ ರಾಣ ಯೆ, ಕಾಕುಳ್ತಿಚೆ ಮಾಯೆ; | ನಮಾನ್ ಆಮ್ಚ್ಯಾ ಜಿವಾ, ಅಮೃತಾ ಆನಿ ಭರ್ವಶ್ಯಾ, | ತುಕಾ ಆಮಿ ಉಲೊ ಮಾರ್ತಾಂವ್, ಆಮಿ ಪರ್ದೆಶಿ ಎವೆಚಿಂ ಬಾಳ್ಕಾಂ. | ಹ್ಯಾ ದುಖಾಚ್ಯಾ ಕೊಂಡಾಂತ್ ಆಸ್ತಾಂ | ಆಸ್ಕಾರ್ ಹುಸ್ಕಾರ್ ಸೊಡುನ್ | ಆಮಿ ತುಕಾ ರುದಾನ್ ಕರ್ತಾಂವ್. | ತರ್ ತುಂ, ಆಮ್ಚೆ ಶೆಕಾಯೆ, | ತೆ ತುಜೆ ಕಾಕುಳ್ತಿಚೆ ದೊಳೆ ಆಮ್ಚೆ ವಯ್ರ್ ಪರ್ತಿ | ಆನಿ ಹ್ಯಾ ಪರ್ದೆಶಾ ಉಪ್ರಾಂತ್ | ತುಜೆ ಕುಶಿಚೆಂ ಸದೆಂವಿ ಫಳ್, ಜೆಜುಕ್, ಆಮ್ಕಾಂ ದಾಕಯ್, | ಯೆ ದಯಾಳಿ, ಯೆ ಮೊಗಾಳಿ, ಯೆ ದುಲೊಬಿ ಆಂಕ್ವಾರಿ ಮರಿಯೆ.

ಎಕ್ಲೊ : ಭಾಗೆವಂತಿ ದೆವಾಚೆ ಮಾಯೆ, ಆಮಾ ಪಾಸತ್ ವಿನತಿ ಕರ್

ಸರ್ವಾಂ : ಕ್ರಿಸ್ತಾಚ್ಯಾ ಭಾಸಾವ್ಣ್ಯಾಂಕ್ ಆಮಿ ಫಾವೊ ಜಾಂವ್ಚೆ ಖಾತಿರ್.

18. ಭಾಗೆವಂತ್ ರೊಜಾರಿಚೆ ಮಿಸ್ತೆರ್

ಸಂತೊಸಾಚೆ ಮಿಸ್ತೆರ್ (ಸೊಮಾರಾ ಆನಿ ಸನ್ವಾರಾ)

ಪಯ್ಲೊ ಮಿಸ್ತೆರ್ : ಮರಿಯೆಕ್ ಭೊಡ್ವೊ ಖಬರ್ ದಿತಾ

ದುಸ್ರೊ ಮಿಸ್ತೆರ್ : ಮರಿ ಎಲಿಜಾಬೆತಿಚಿ ಭೆಟ್ ಕರ್ತಾ

ತಿಸ್ರೊ ಮಿಸ್ತೆರ್ : ಬೆತ್ಲೆಹೆಮಾಂತ್ ಜೆಜು ಜಲ್ಮತಾ

ಚವ್ತೊ ಮಿಸ್ತೆರ್ : ಮರಿ, ಬಾಳೊಕ್ ಜೆಜುಕ್ ತೆಂಪ್ಲಾಂತ್ ಭೆಟಯ್ತಾ

ಪಾಂಚ್ವೊ ಮಿಸ್ತೆರ್: ಚುಕ್‍ಲ್ಲೊ ಭುರ್ಗೊ ಜೆಜು, ತೆಂಪ್ಲಾಂತ್ ಮೆಳ್ತಾ.

ದುಃಖಿಚೆ ಮಿಸ್ತೆರ್ (ಮಂಗ್ಳಾರಾ ಆನಿ ಸುಕ್ರಾರಾ)

ಪಯ್ಲೊ ಮಿಸ್ತೆರ್ : ಸೊಮಿ ಜೆಜು ಮೊಳ್ಯಾಂತ್ ಮಾಗ್ತಾನಾ ರಗತ್ ಘಾಮೆತಾ.

ದುಸ್ರೊ ಮಿಸ್ತೆರ್ : ಸೊಮ್ಯಾ ಜೆಜುಕ್ ಖಾಂಬ್ಯಾಕ್ ಬಾಂಧುನ್ ಜೆರ್ಬಾಂದಾಂನಿ ಮಾರ್ತಾತ್.

ತಿಸ್ರೊ ಮಿಸ್ತೆರ್ : ಸೊಮ್ಯಾ ಜೆಜುಚ್ಯಾ ಮಸ್ತಕಾರ್ ಕಾಂಟ್ಯಾಂಚೊ ಮುಕುಟ್ ಸಾಣ ್ಸತಾತ್.

ಚವ್ತೊ ಮಿಸ್ತೆರ್ : ಸೊಮಿ ಜೆಜು, ಕಾಲ್ವಾರ್ ಪರ್ವತ್ ಪರ್ಯಾನ್ ಖುರಿಸ್ ವ್ಹಾವೊವ್ನ್ ವೆತಾ.

ಪಾಂಚ್ವೊ ಮಿಸ್ತೆರ್: ಸೊಮಿ ಜೆಜು, ಖುರ್ಸಾರ್ ಉಮ್ಕಾಳುನ್ ಆಪ್ಲೆ ಮಾಯೆ ಮುಕಾರ್ ಪ್ರಾಣ್ ಕರ್ತಾ.

ಆನಂದಾಚೆ ಮಿಸ್ತೆರ್ (ಬುದ್ವಾರಾ ಆನಿ ಆಯ್ತಾರಾ)

ಪಯ್ಲೊ ಮಿಸ್ತೆರ್ : ಸೊಮಿ ಜೆಜು ಜಿವಂತ್ ಜಾತಾ

ದುಸ್ರೊ ಮಿಸ್ತೆರ್ : ಸೊಮಿ ಜೆಜು ಸರ್ಗಾರ್ ಚಡ್ತಾ

ತಿಸ್ರೊ ಮಿಸ್ತೆರ್ : ಪವಿತ್ರ್ ಅತ್ಮೊ ಆಂಕ್ವಾರ್ ಮರಿಯೆಚೆರ್ ಆನಿ ಧರ್ಮ್‍ದುತಾಂಚೆರ್ ದೆಂವ್ತಾ

ಚವ್ತೊ ಮಿಸ್ತೆರ್ : ಆಂಕ್ವಾರ್ ಮರಿಯೆಕ್ ಕುಡಿ ಅತ್ಮ್ಯಾ ಸಮೆತ್ ಸರ್ಗಾರ್ ಘೆತಾತ್

ಪಾಂಚ್ವೊ ಮಿಸ್ತೆರ್ : ಆಂಕ್ವಾರ್ ಮರಿಯೆಕ್ ಸರ್ಗಾಸಂಸಾರಾಚಿ ರಾಣ ಮ್ಹಣ್ ಕುರ್ವಾರ್ ಕರ್ತಾತ್.

ಉಜ್ವಾಡಾಚೆ ಮಿಸ್ತೆರ್ (ಬ್ರೆಸ್ತಾರಾ)

ಪಯ್ಲೊ ಮಿಸ್ತೆರ್ : ಜೆಜು ಜೊರ್ದಾನ್ ನ್ಹಂಯ್ತ್ ಸ್ನಾನ್ ಘೆತಾ.

ದುಸ್ರೊ ಮಿಸ್ತೆರ್ : ಜೆಜು ಕಾನಾ ಶಹರಾಂತ್ಲ್ಯಾ ಲಗ್ನಾಂತ್ ಆಪ್ಲಿಂ ಮಹಿಮಾ ಪರ್ಗಟ್ತಾ

ತಿಸ್ರೊ ಮಿಸ್ತೆರ್ : ಜೆಜು ಸರ್ಗಿಂಚೆಂ ರಾಜ್ಯ್ ಪರ್ಗಟ್ತಾ ಆನಿ ಪಾತ್ಕಿ ಜಿಣ ಬದ್ಲುಂಕ್ ಉಲೊ ದಿತಾ.

ಚವ್ತೊ ಮಿಸ್ತೆರ್ : ಜೆಜು, ರುಪಾಂತರ್ ಜಾತಾ

ಪಾಂಚ್ವೊ ಮಿಸ್ತೆರ್ : ಜೆಜು, ಪವಿತ್ರ್ ಎವ್ಕರಿಸ್ತ್ ಘಡ್ತಾ.

ಸಾಯ್ಬಿಣ ಚಿ ಲದಿನ್

ಸೊಮಿಯಾ ಕಾಕುಳ್ತ್ ಆಮ್ಚಿ ಕರ್

ಕ್ರಿಸ್ತಾ ಕಾಕುಳ್ತ್ ಆಮ್ಚಿ ಕರ್

ಸೊಮಿಯಾ ಕಾಕುಳ್ತ್ ಆಮ್ಚಿ ಕರ್

ಕ್ರಿಸ್ತಾ ಆಯ್ಕ್ ಆಮ್ಕಾಂ

ಕ್ರಿಸ್ತಾ ದಯೆನ್ ಆಯ್ಕ್ ಆಮ್ಕಾಂ

ಸರ್ಗಿಂಚ್ಯಾ ದೆವಾ ಬಾಪಾ

ದೆವಾ ಪುತಾ, ಸಂಸಾರಾಚ್ಯಾ ತಾರೊಕಾ

ದೆವಾ ಪವಿತ್ರ್ ಅತ್ಮ್ಯಾ

ಸಾಂತಿಸ್ಸಿಮಾ ತ್ರಿಂದಾದಿ ಎಕಾಚ್ ದೆವಾ

ಭಾಗೆವಂತಿ ಮರಿಯೆ

ಭಾಗೆವಂತಿ ದೆವಾಚೆ ಮಾಯೆ

ಭಾಗೆವಂತಿ ಆಂಕ್ವಾರಿಂಚೆ ಆಂಕ್ವಾರಿ

ಕ್ರಿಸ್ತಾಚೆ ಮಾಯೆ

ಪವಿತ್ರ್ ಸಭೆಚೆ ಮಾಯೆ

ದೇವ್ ಕುರ್ಪೆಚೆ ಮಾಯೆ

ಭೋವ್ ನಿತಳಿ ಮಾಯೆ

ಭೋವ್ ನಿಸ್ಕಳ್ವಂತಿ ಮಾಯೆ

ಖತ್ ನಾಸ್‍ಲ್ಲ್ಯೆ ಮಾಯೆ,

ಆಪುಟ್ ಮಾಯೆ

ಮೊಗಾಪಾತ್ರ್ ಮಾಯೆ

ವಿಚಿತ್ರ್ ಮಾಯೆ

ಸುಬೊಧಿನಿ ಮಾಯೆ

ರಚ್ನಾರಾಚೆ ಮಾಯೆ

ಸೊಡ್ವೊಣ್ದಾರಾಚೆ ಮಾಯೆ

ಭೋವ್ ಶಾಣ ಆಂಕ್ವಾರಿ

ಪರ್ಗಟುಂಕ್ ಫಾವೊ ಜಾಲ್ಲೆ ಆಂಕ್ವಾರಿ

ಪದ್ವೆದಾರ್ ಆಂಕ್ವಾರಿ

ದಯಾಳಿ ಆಂಕ್ವಾರಿ

ವಿಶ್ವಾಸಿ ಆಂಕ್ವಾರಿ

ನಿತಿಚ್ಯಾ ಆಸ್ರ್ಯಾ

ಜಾಣ್ವಾಯೆಚ್ಯಾ ಸಿಯಾಸಣಾ

ಆಮ್ಚ್ಯಾ ಸಂತೊಸಾಚ್ಯಾ ಕಾರಣಾ

ಅತ್ಮಿಕ್ ಪಂಲ್ಗಣಾ

ಮಾನ್ ಫಾವೊ ಜಾಲ್ಲ್ಯಾ ಪಂಲ್ಗಣಾ

ಭಕ್ತಿಚ್ಯಾ ಆಪರಿಮಿತ್ ಪಂಲ್ಗಣಾ

ಗುಪ್ತ್ ಗುಲೊಬಾ

ದಾವಿದಾಚ್ಯಾ ಭುರ್ಜಾ

ದಾಡ್ಯಾಚ್ಯಾ ಭುರ್ಜಾ

ಸುವರ್ಣಾಚ್ಯಾ ಮಂದಿರಾ

ಸೊಲ್ಲ್ಯಾಚ್ಯಾ ಆರ್ಕಾ

ಸರ್ಗಿಂಚ್ಯಾ ದಾರ್ವಟ್ಯಾ

ಫಾಂತ್ಯಾ ಪಾರಾಚ್ಯಾ ನೆಕೆತ್ರಾ

ಪಿಡೆಸ್ತಾಂಚೆ ಭಲಾಯ್ಕೆ

ಪಾತ್ಕ್ಯಾಂಚ್ಯಾ ಆಸ್ರ್ಯಾ

ದುಖೆಸ್ತಾಂಚೆ ಭುಜಾವಣೆ

ಕ್ರಿಸ್ತಾಂವಾಂಚ್ಯಾ ಆಧಾರಾ

ಭೊಡ್ವ್ಯಾಂಚೆ ರಾಣ ಯೆ

ಪಾತ್ರಿಯಾರ್ಕಾಂಚೆ ರಾಣ ಯೆ

ಪ್ರವಾದಿಂಚೆ ರಾಣ ಯೆ

ಆಪೊಸ್ತಲಾಂಚೆ ರಾಣ ಯೆ

ಮಾರ್ಥಿರಾಂಚೆ ರಾಣ ಯೆ

ಕೊನ್ಫೆಸೊರಾಂಚೆ ರಾಣ ಯೆ

ಆಂಕ್ವಾರಿಂಚೆ ರಾಣ ಯೆ

ಸಮೆಸ್ತ್ ಭಕ್ತಾಂಚೆ ರಾಣ ಯೆ

ಸಂಯ್ಭಾಚ್ಯಾ ಖತಾವಿಣ್ ಗರ್ಭಿಂ

ಸಂಭವ್‍ಲ್ಲೆ ರಾಣ ಯೆ

ಸರ್ಗಿಂ ಘೆತ್‍ಲ್ಲ್ಯೆ ರಾಣ ಯೆ

ಭೋವ್ ಪವಿತ್ರ್ ರೊಜಾರಿಚೆ ರಾಣ ಯೆ

ಕುಟ್ಮಾಚೆ ರಾಣ ಯೆ

ಸಮಾಧಾನಾಚೆ ರಾಣ ಯೆ

ದೆವಾಚೆ ಶೆಳಿಯೆ ಸಂಸಾರಾಚೆಂ ಪಾಪ್ ಕಾಡ್ತಲೆ,

ಭೊಗೊಸ್ ಆಮ್ಕಾಂ, ಸೊಮಿಯಾ

ದೆವಾಚೆ ಶೆಳಿಯೆ ಸಂಸಾರಾಚೆಂ ಪಾಪ್ ಕಾಡ್ತಲೆ,

ದಯೆನ್ ಆಯ್ಕ್ ಆಮ್ಕಾಂ, ಸೊಮಿಯಾ

ದೆವಾಚೆ ಶೆಳಿಯೆ ಸಂಸಾರಾಚೆಂ ಪಾಪ್ ಕಾಡ್ತಲೆ,

ಕಾಕುಳ್ತ್ ಆಮ್ಚಿ ಕರ್.

ತುಜೆ ಸಸಾಯೆಖಾಲ್ ಏ ದೆವಾಚೆ ಭಾಗೆವಂತಿ ಮಾಯೆ, ಆಮಿ ಯೆತಾಂವ್; ಆಮ್ಚ್ಯಾ ಗರ್ಜಾಂತ್, ಆಮ್ಚ್ಯಾ ಮಾಗ್ಣ್ಯಾಚೊ ಬೆಪಾರ್ವೊ ಕರಿನಾಕಾ. ಪೂಣ್ ಸಮೆಸ್ತ್ ವಿಘ್ನಾಂತ್ಲೆಂ ಆಮ್ಕಾಂ ಸದಾಂಚ್ ನಿವಾರ್, ಅನಂದ್ಭರಿತ್ ಆನಿ ಸದೆಂವಿಂ ಆಂಕ್ವಾರಿ.

ಎಕ್ಲೊ : ಭಾಗೆವಂತಿ ದೆವಾಚೆ ಮಾಯೆ, ಆಮಾ ಪಾಸತ್ ವಿನತಿ ಕರ್

ಸರ್ವಾಂ : ಕ್ರಿಸ್ತಾಚ್ಯಾ ಭಾಸಾವ್ಣ್ಯಾಂಕ್ ಆಮಿ ಫಾವೊ ಜಾಂವ್ಚೆ ಖಾತಿರ್

ಪ್ರಾರ್ಥುಂಯಾ

ದೆವಾ, | ತುಜ್ಯಾ ಎಕ್ಲ್ಯಾಚ್ ಪುತಾನ್ | ಆಪ್ಲೆ ಜಿಣ ಯೆ, ಮೊರ್ನಾ ಆನಿ ಜಿವಂತ್ಪಣಾ ವರ್ವಿಂ | ಸಾಸ್ಣಾಚೆ ಬಚಾವೆಚೆಂ ಇನಾಮ್ | ಆಮ್ಕಾಂ ಜೊಡ್ನ್ ದವರ್ಲಾಂ; | ಭಾಗೆವಂತ್ ಆಂಕ್ವಾರ್ ಮರಿಯೆಚೆ | ಭೋವ್ ಪವಿತ್ರ್ ರೊಜಾರಿಚೆ ಮಿಸ್ತೆರ್ | ಆಮಿ ನಿಯಾಳ್ತಾನಾ, | ತಾಂತುಂ ಆಟಾಪಿಲ್ಲ್ಯಾಚೊ ಆಮಿ ಪಾಟ್ಲಾವ್ ಕರಿಸೊ | ಆನಿ ತಾಂತುಂ ಭಾಸಾಯ್‍ಲ್ಲೆಂ ಆಮಿ ಜೊಡಿಶೆಂ ಕರ್ ಮ್ಹಣ್ | ಆಮಿ ತುಜೆ ಲಾಗಿಂ ಪರಾತ್ತಾಂವ್. ತ್ಯಾಚ್ ಕ್ರಿಸ್ತಾ ಆಮ್ಚ್ಯಾ ಸೊಮ್ಯಾ ವರ್ವಿಂ. ಆಮೆನ್.